傅穎靠蠢繪出人生
近年轉移發展陣地的傅穎（Theresa），今年終圓心願推出繪畫作品，不介意將自己的蠢花名化做故事主人翁。懶得澄清整容傳言的Theresa，否認放棄香港市場，但承認內地市場機會較多。
最近在公司安排下移居北京發展的Theresa，後日（21日）將返港為首本繪畫作品在書展舉行簽名會。主角「比莎妹妹」早已在其書中出現過，也出過figure公仔，繪畫本年底會在台灣及內地推出，她計劃發展另一事業，為「比莎」推出周邊產品。
懶理傳整容
「比莎」這名字來自Theresa的花名，她自爆經常被朋友取笑蠢，一直喚她做「豬Sa」或「Pigsa」。當出繪畫本時，她決定將主角名改做自己花名拼音「比莎」。她笑說：「某程度上我外表係精，但內裏係蠢，喺朋友堆中我係比較蠢，但我唔介意喺佢哋面前表露我真性情，因為佢哋會保護我。」經常被指變臉整容的她亦懶得澄清：「冇乜所謂啦！講咗咁多年，到今時今日我依然黐緊雙眼皮膠紙，其實係影相角度同化妝技巧。」
唔心急拍拖
雖然北上發展，但Theresa強調不會放棄香港市場。她說：「如果放棄都唔會先喺香港出繪畫本。」她承認內地市場大，發展機會較多。剛拍完一部電影的她，8月為中、台一部電視劇宣傳，之後又接拍另一部電影。在北京認識了新朋友的她，被問可有富二代追求？她笑言：「公司同事都有問我，感情事要隨緣，有嘅都唔會抗拒，但依家想喺事業方面再下一番苦功。」
文：音樂組