連詩雅真空床照引性幻想

連詩雅（Shiga）雖然成功由樂壇撈入電影圈，但始乎仍未夠喉，決心再進軍模特兒界，以「看家撒手鐧」42吋長腿向一眾o靚模示威。她早前遠赴日本為《月刊NEO》攝影集擔任女模，Shiga多套戰衣都是勁騷長腿的短裙，部分相片更特寫下半身，意識大膽，問到可會為一雙靚腿買重保險？她笑言：「我都聽過好多外國歌手會幫自己身體部分投保，暫時未去到咁嚴重，但第時做腳嘅代言先會買。」

好驚走光

玩完下半身，再轉戰上半身，當中最激的是Shiga在床上半裸露背，她稱拍攝時要清場趕人：「我係咁掩住前面，好驚走光，當時清場得番攝影師同一個女助手。」她自嘲因前面冇睇頭，惟有做「影後」：「因為前面冇嘢睇嘛，真空上陣已經係我極限，唔會全裸。不過如果反應好的話，第二本會更有突破。」她又指攝影集充滿音樂性，內附音樂會的DVD。

連詩雅被宅男網上留言騷擾，令她大感尷尬。

連詩雅為長腿影特寫，並考慮為長腿買保險。

抗拒裸男

不過Shiga今次可算「裸」苦嚟辛，皆因成為不少宅男的幻想對象，她自爆曾在網上看到有人留言騷擾：「佢留言話『J乜乜』，好色情，我起初都唔明，要同事解釋。但我覺得網絡世界都估唔到對方做咩，總知媽咪就好滿意我輯相。」

原來Shiga屬怕醜女一名，抗拒與肌肉男模拍寫真：「唔係幾鍾意，同個赤裸男仔一齊拍好奇怪，我都怕醜o架！」

文：音樂組