雨僑做蒲精激情無底線
入行多年嘅雨僑將豁出去，以終極性感形象接拍《喜愛夜蒲３》，更撼低眾波女，成為女主角之一，雖然雨僑堅持三點不露，但在戲中會大演豪放女，仲講明激情戲無底線！雨僑直言今次「大解放」接拍該片的原因，是想挑戰自己，片酬都只屬其次！至於接拍該片可有問准「男友」羅力威？她直言：「唔需要！」
唱作歌手雨僑近期頻頻在影壇「發功」，先於電影《猛龍特囧》扮醜女，最近更進一步，決定以超性感形象接拍電影《喜愛夜蒲３》。
對手多國籍
日前，雨僑先跟本報拍下一輯性感床照，小試牛刀，於新戲中飾演大蒲精的她，直言角色性格很豪放：「我個角色可以話係蒲精中嘅蒲精，會同唔同國籍嘅男士有關係，至於有幾多個對手，我就未知，好似上次記者會，阿Bob行埋嚟同我講我哋有場親熱戲，我先知道佢喺其中一個，一切等導演錢國偉安排。（床戲有無底線？）無底線，只要畫面靚，激情戲點拍都可以，只求三點不露！（會唔會挑戰劉羽琦之前拍過嘅野戰戲？）總之畫面靚就OK！佢嗰場畫面都好靚。」
認身材輸蝕
今次的《夜蒲３》，陳靜將再度登場，再加上有不少好身材的o靚模助陣，雨僑可會感到自己身材輸蝕？她謂：「天外有天，人外有人，鬥胸我就無得鬥，反而希望憑角色吸引大家。」於新戲有不少大膽床上戲，問雨僑可有問准「男友」羅力威？她謂：「唔需要，《夜蒲３》都係正經戲，同《猛龍特囧》一樣。」
文：影視組