蔚雨芯恥與為伍避戰書展
一年一度的書展開鑼，眾o靚模為寫真宣傳各出奇謀，為了吸引目光而出招「飛釘」和「漏M」亦在所不計。而早在出寫真大晒「魔鬼胸」的蔚雨芯直言不會現身書展宣傳，並指她們誇張及過火。同樣推出寫真的肌肉男趙勁皓更加入戰團，狠批她們的道德觀念差。
歌手蔚雨芯（Rainky）到電台宣傳新歌和寫真集，提到新單曲連同寫真於書展內開售，不過就暫未有銷售成績，亦暫未有計劃親身到場宣傳。談到o靚模孫旗日前在書展內以「飛釘」及「漏M」招數宣傳寫真，Rainky直言﹕「好誇張，我自己唔會夠膽，要尊重父母，唔應該做咁過火嘅行為。」問到是否因此才沒有計劃到書展宣傳，她說：「都有關係，而且公司為寫真都安排其他宣傳活動。」
趙勁皓：道德觀念差
而同樣趁書展推出寫真的何浩文（Dominic）、趙勁皓（King）及顧又銘，昨日谷胸現身拳館並化身教練。談到書展首日已有不少o靚模發功搶鏡，三人異口同聲指沒有興趣觀看，其中King更乘勢「踩多腳」︰「佢哋大小便、露暈、漏M呢啲奇招，道德觀念唔好。」
至於三人的處男寫真日前被劉老闆斥資狂掃，問到會否安排跟他見面？Dominic說︰「要做埋手頭上工作先。」三人亦不擔心遇到特別要求，並笑言：「4個手瓜加埋都8吋，識得保護自己。」
蕭美卡：唔覺有問題
另一方面，繼續有o靚模在寫真內大玩不良意識，其中蕭美卡（Mika）在寫真中除啜白色冰條及玩剃鬚膏外，又將白色液體滴在胸部和大髀的大特寫，意識大膽。對此Mika表示：「嗰日天氣超熱，唔係刻意，唔覺有問題。」
而許珮榆（Diva）則在寫真中真空上陣，而且胸形奇怪，疑似後天加工。不過主角Diva則死撐：「之前啲人睇過都唔覺。」
文：音樂組