葱油四支花武功耍家
黃翠如、梁嘉琪、樂瞳及梁珈詠在劇中均是被羅蘭收養的孤兒，自封「葱油四支花」的她們其實是女賊，四女性格設定各有特點，「歡喜」翠如較爽朗主動、「歡笑」樂瞳的功夫最耍家、「歡甜」珈詠則體弱多病，大家姐「歡靜」嘉琪卻是一名啞巴，各有特色。
劇中她們有不少打戲，其中一場被追殺戲更要施展壁虎功飛簷走壁，翠如直言打交打到瘀，提到角色相當粗魯爛撻撻，她說：「我成日要戙高腳好豪邁，因為太投入角色，喺化妝間都會不經意戙高腳坐。」樂瞳則自嘲她們都是「硬筋人」，每次埋位前都要拉筋熱身：「浩然同楊潮凱叫我搽拳師油有助鬆筋，搞到我一陣陣阿婆味！戲入面我有絕招叫『葱油美美腿』，全部動作都係我自己做，不過多數蒙面，都驚認唔到係我！」飾演啞女的嘉琪則專誠學手語，並自創一套古代手語。