筱靖摺腩失球

同是亞姐出身的筱靖及鄭伊娜，昨日穿上性感泳衣大騷身材，與亞洲先生黃集鋒及林睿等出席《亞洲電視足球狂熱》宣傳活動，並齊齊落泳池比賽水球。筱靖落水時露出摺起的「豬腩肉」，明顯跌cup的她，又遭上圍big爆的鄭伊娜搶盡風頭。

祝福高層忘年戀

眾藝員打水球時戰況激烈，球來球往之餘，更波光四射，令氣溫熱上加熱。當中以筱靖玩得最投入，任龍門的她，一度因被仔圍嚇至花容失色瘋狂尖叫，最終筱靖率領的一隊，以四比一勝出。

（左起）塗諾、黃集鋒、鄭伊娜、徐丁、筱靖、林睿 有肌男抱住，筱靖和鄭伊娜似乎很享受。

鄭伊娜（左）與筱靖的身材高下立見。

筱靖受訪時，談到上圍明顯縮水，她否認「拆彈」，並澄清從無僭建：「由頭到尾都冇加過嘢！今年着咗七次泳衣，要封胸。」她又解釋以往波濤胸湧是因做了手腳：「女仔有好多魔術，今日冇服裝指導跟身，既然冇魔術師跟身，就係咁上下。而且今日要被掟落水，我怕入面多嘢得滯，會跌嘢出嚟。」未知是否暗寸谷到行上陣的鄭伊娜。談及亞視執行董事盛品儒與魏秋樺傳搞忘年戀，筱靖說：「如果係真嘅就祝福。」

黃集鋒足球遮鳥

黃集鋒笑言想出寫真：「因為身材真係好難keep，只要唔露股就得。既然要為公司宣傳足球節目，我覺得寫真其中一個甫士可以用足球遮下體。」他又說平時都會為自己的健美身材「留倩影」，並謂不怕性感相流出：「我都唔拍裸體相。（露毛照？）我啲毛唔係咁多。」

文：專案組