Lea T.祝福晶晶有喜
霍震霆兒子霍啟山緋聞女友模特兒Lea T.昨日為香港貿發局舉行的時裝周行騷，問到近日有報道指啟山的大嫂郭晶晶大肚搬屋，Lea說：「我今日要開工，未睇報道，如果我身邊嘅朋友有喜事，我都會戥佢開心同埋祝福佢。（有冇問晶晶依家情況點？）呢啲唔講喇。」
在場內睇騷的歌手朱紫嬈就表示自己向來很支持本港時裝設計師，她亦有不少朋友是本地時裝設計師，不時都會穿朋友sponsor給她的服飾。問到她可有興趣設計？她說：「我襯掂自己啲衫已經好開心，我有襯衫以及襯色障礙，要朋友幫手改善，自入行到依家已經進步咗好多。」她試過出席品牌活動被雜誌批評她衣着差，但那套衫其實是大會安排的。她又大讚黃偉文衣着出色，也希望對方能為她填詞。
