文詠珊口窒窒唔認同居
黎明愛將文詠珊日前被《好報》獨家踢爆與「翻版李準基」富二代衞以德撻着，二人還發展至同居階段，昨日她出席活動時被問及此事，直認與對方了解中，但就口窒窒否認同居！
文詠珊（JM）昨日出席「尋味之旅：酒瓶民藝瑰麗展」，坦言酒量不好：「依家好啲，兩年幾前飲幾啖就面紅。（飲醉？）控制到自己，去到某個位就會停。」由於JM最近被《好報》獨家踢爆與富二代衞以德（Edwin）相戀，並發展至同居階段，問JM可有與男友一起飲酒？她即支吾以對：「同佢了解中，同老闆（黎明）反而飲得多，老闆有好多珍藏嘅酒都大過我。（Edwin是否正追求你？）了解中，有一齊食飯，我最近拍戲好忙，一放假都有同朋友食飯。」至於對Edwin是否有好感？JM停頓了數秒才口窒窒說：「嗯……再了解多啲。（你哋已經同居？）唔係呀。（Edwin有冇投訴成日畀人影到？）其實我已經唔係成日出街，就咁出去食飯，已經有好多人，記者無處不在。（佢符合你擇偶條件？）自己個人好追求感覺同合唔合拍，要多少少時間。」
陳智燊畀女挑逗
而同場的藝人陳智燊（Jason）就透露間中都有飲酒，問有否試過酒後亂性？他表示沒有：「只會好多嘢講，坐唔定同好有自信，但冇亂性，飲完酒都有七、八成清醒。」再追問他有否試過酒後「做錯事」？他即一臉尷尬停頓數秒才回答：「同朋友有爭拗囉，興奮得滯講錯嘢，但應該冇你哋講嘅錯事。（有冇女仔向你借醉行兇？）冇喎，應該，好少。（即係有？）可能對方熱情少少，細個都試過同女仔喺club交換電話，被人唔禮貌對待就好少。（又好少？即係有啦？）可能言語上挑逗我，但行為上冇。」
文：名人組