劉培基最後戰衣送亡友

時裝設計師劉培基(Eddie)接受有線高清奇妙娛樂台節目《星級會客室》資深傳媒人汪曼玲訪問,大談與故友羅文、梅艷芳的點滴。劉培基11歲便認識羅記,指對方精力充沛:「當我喺殯儀館見到佢好無助咁瞓咗喺度,我真係好難過。我決定幫佢着衫,因為佢知道我可以着得佢靚啲。」

至於好友阿梅,他透露:「我好小心幫佢着我為佢造嘅壽衣,然後抱起佢擺佢入棺材,再輕輕喺佢額頭錫咗啖,話畀佢知我呢一分鐘依然係咁錫佢。佢生前我抱過佢好多次,我太了解佢,因為佢對住我傷心流眼淚嘅時間實在太多。」