法拉連環咀仔率先睇

無綫劇集《衝上雲霄》十年前播放時收視、口碑都相當不俗，下周一（15日）首播的《衝上雲霄II》，成為萬眾期待的焦點。而此劇的官方宣傳片星期六晚才正式出街，但日前網上已流出一條約三分鐘的高清宣傳片，交代劇中不少精彩劇情。今輯陳法拉、張智霖、吳鎮宇這段三角關係是重心所在，宣傳片中就分別有法拉跟Chilam及鎮宇的咀戲，而劇中飾演一對的馬國明及江美儀，亦有熱吻的一幕，吳卓羲與胡杏兒這一對，就大玩「熊抱」。

記者昨日致電給此劇監製陳維冠，問到為何流出宣傳片？他坦言︰「呢啲都可能係TVB賣埠去外地時用嘅宣傳片，都控制唔到，（怕唔怕對收視有影響？）唔會！套劇多人關注係好事。」而外事部副總監曾醒明接受訪問時坦言向來劇集都會發放宣傳片段到海外作宣傳之用，而之前此劇演員到馬來西亞及之後到新加坡宣傳，現場均會播此宣傳片，曾醒明謂︰「向來做法都係咁，對劇集收視方面係冇影響，只會有宣傳效果。」

陳法拉及吳鎮宇在劇中有激咀場面，是劇集亮點之一。	馬國明及江美儀在巴黎街頭熱吻。	吳卓羲與胡杏兒這一對大玩抱抱。

唔覺老土壞事

此外，《衝上雲霄II》主題曲由林子祥主唱、鄭國江填詞，昨日鄭國江被問到此歌於網上被批評老土時，他坦言︰「現代一部分年輕人覺得積極、正面、負責任就係老土，唔負責任同hea反而係好事，我唔覺老土係一件壞事，只係價值觀唔同。」他又指不會因這些批評而不開心，更謂︰「好閒啫！唔係每個作品都會得到認同。」

文︰影視組