Victoria剝褲送外賣
以「妄攝」寫真攻今年寫真戰的o靚模組合冬甩，大玩制服誘惑，任宅男撕開見內衣，當中Ar Yu瞓身倒C奶，Victoria則剝褲送外賣，非常誘人。
o靚模組合冬甩今年以大堆頭13人繼續玩寫真戰，並抄舊橋出「妄攝」寫真集吸宅男睛，眾女以空姐、護士、外賣女等多個造型上陣，讓一班宅男「撕開」眾女的制服而「露出」內衣，滿足視覺效果。
當中以成員Ar Yu穿內衣倒奶最有睇頭，跪在枱底的她雙峰呼之欲出，而另一位有料之人Elise同樣谷行胸出擊。至於早前與無綫藝人高鈞賢傳緋聞的Victoria則化身「外賣妹」，拿着外賣袋站在門外剝褲，露出格仔內衣，非常誘惑，惟她手拿的外賣袋與國際知名快餐店的非常相似，她承認說︰「有啲相係喺呢間快餐店門口影，不過為免麻煩，所以刪走咗佢哋個logo。」
Katrina介意被偷拍
而前日於紅磡港鐵站被偷拍裙底的成員Katrina，則扮女排健將，穿上內衣並坐在櫈上擺誘人甫士，希望吸引一班陽光粉絲，雖然她不介意性感上陣影寫真，但對於工作以外被偷拍裙底，她怒轟港鐵應保障女士們的安全︰「之前成日都睇到報道話好多女仔喺搭車嘅時候畀人非禮同偷拍裙底，我覺得佢哋應該加強措施保障女仔，以後自己出入都會小心啲。」
另外，昨日有讀者爆料指成員Hannah（梓喬）改名及整容入行，指她前名為Janice，Hannah接受電話訪問表示︰「嗰個係我舊名，入行係轉咗依家呢個名，不過我冇整容。」
文︰專案組