舒淇得閒先拍拖 hold住馮德倫
舒淇前晚出席活動時穿透視裝上陣，不經意透出南半球，非常誘人。提到之前雷頌德在演唱會中暗示她仍與馮德倫在一起，她強調只是朋友，而且自己目前很忙，要得閒先拍拖。
性感女神舒淇、任達華、琦琦、黃耀明、Amanda S.前晚出席Jimmy Choo新店開幕活動，穿上一襲腰間透視連身短裙晒纖腰的舒淇原已搶鏡，舉手投足間更是不經意透出南半球，非常誘惑。
習慣單身 未諗生B
提到早前雷頌德在演唱會上暗示馮德倫多年來都是與同一個女仔一齊，令人聯想到該女便是舒淇，舒淇對此說：「大家都係朋友囉。唔通係點？（係唔係拍拖？）每次出嚟都會問，都係朋友囉。（你依家單身？）我好忙，冇時間。（急唔急拍拖？）其實慣咗就好啲囉，遲啲囉，得閒先，等我解決咗手頭上呢部戲先。」她又稱沒想過生BB才結婚：「等自己定性先，玩人哋啲BB就得，BB唔嘈時都幾得意，嘈就同佢講bye bye走先。」
任達華好心做壞事
同場的任達華稱最喜歡老婆琦琦穿高跟鞋，琦琦則踢爆老公前日將電影《迷離夜》劇情中被鬼附着的公仔拿了回家，更想送給女兒。她說：「我食早餐時見到，嚇鬼死我，我唔畀個女見到，實在太驚嚇！老公好心做壞事，呢份禮物唔敢收。」
黃耀明則透露今年書展會推出一本關於同志社群生活的書，好友劉若英亦有幫手：「仲有一個影帝同一個影后，我會同影帝一齊影相、何韻詩就會同影后影相，但係邊個就唔講得住。」