Eason吹神忍口 吊高甩嘴

以往Eason在演唱會例必說話多多又愛唱到超時，不過前晚Eason頭場竟一改吹神本色，連唱了多小時未停過嘴，期間Eason唱《最佳損友》曾一度想講話，最後都吞番落肚忍着說：「都係唱好過講。」直至Encore前後Eason才再度開腔，他笑言：「原來好難唔講嘢，我已經唔問大家啲無聊嘢，問睇得開唔開心，因為我都feel到晒！」

個唱上Eason換了6個造型，有簡單白Tee便服、針織蝴蝶衫、白色荷葉禮服、黑白西裝、藍色拖地頭紗look，舞蹈員服飾亦一樣趣怪詭異，更出現2米高的巨人伴舞及造型古怪的人物，而舞台設計亦花了不少心思，有升起兩層高變「巨型冰山」，又有巨雲從天而降，巨雲底下竟走出一個倒吊的舞蹈員在雲底下大玩「空中漫遊」，當Eason坐上離台三層樓高的鐵箱上，鐵箱因不時搖晃，搞到Eason唱《信任》時甩嘴。

爆老婆累事

到Encore部分，Eason耍了幾下詠春，最終吹神上身講足10分鐘「閒話」，Eason自嘲把聲「麻麻哋」，還爆老婆徐濠縈的頭抽豉油累事，食飯時令他「濁親把聲」。Eason亦不忘呼籲7月7日是無國界醫生日，叫台下觀眾解囊捐出一日人工，他笑言：「我捐咗啦，我一日人工有廿幾蚊，講笑！」之後連唱了《單車》及《明年今日》於十一時多準時收場。

完騷後Eason坦言沒有為開騷Keep fit，現體重達188磅，是他唱歌以來最重一次。

文：音樂組