與柯震東發生關係？梁晶晶：總之依家冇

o靚模梁晶晶和孫旗昨日谷胸為其電子寫真日曆到旺角宣傳，見孫旗滿面暗瘡，心口又有紅印，牙齒亦有唇膏漬，非常趕客。晶晶表示早前在YouTube播放的寫真片段，不足24小時已被18禁。問是否片內有叫床聲？她說：「我拍嗰陣唔知會配叫床聲，早知就自己配番啦！可能效果仲好。朋友睇過都話靚。（緋聞男友柯震東都讚？）唔知，嗌咗交，你問佢啦！（佢同蕭亞軒復合所以鬧交？）我哋識嗰時佢都冇話拍拖，係啲人發現咗就係咁鬧我，我哋冇再聯絡。（佢呃你冇拍拖而鬧交？）好多人發生咗關係都唔知對方叫咩名啦！」追問是否發生關係時，她想了想才答：「總之依家冇關係啦，之前嘅已經過咗去，有冇都唔講。（柯震東嬲你借佢宣傳？）唔知喎，話唔定一日我紅過佢。」