蔚雨芯墊術現形 Miki唔放眼內
擁有32D上圍兼被封為「魔鬼胸」的新進歌手蔚雨芯，今年處女下海加入寫真戰團，昨日她首次穿比堅尼行騷，實行為寫真集試水溫。她憑下體現形兼出「墊」術露nude bra兩招，成功撼低34C台模瑞莎及35D前港姐許亦妮，成為全場焦點。不過，今年有份推出寫真的楊愛瑾不放蔚雨芯在眼內，揚言大家冇得比！
近幾年書展都成為寫真集戰場，戰況愈來愈激烈。今年除了o靚模以外，不少演員及歌手亦加入戰團分一杯羹，包括蔚雨芯（Rainky）、楊愛瑾（Miki）及鍾嘉欣等。Rainky雖然擁有32D魔鬼胸，不過眼見其他前輩歌手來勢洶洶亦未敢鬆懈，昨日她以比堅尼上陣性感行騷，藉此提升人氣兼曲線為寫真集作宣傳。
昨日Rainky聯同瑞莎、許亦妮、霍啟山緋聞女友Lea T.及「飛魚王子」朱鑑然，為一田百貨假荃灣廣場舉辦的「YATA Bikini Summer 2013」泳衣騷擔任模特兒。首次行泳衣騷的Rainky搏到盡，但不慎兩度下體現形兼露nude bra。對於失手人前，Rainky初時以為自己走光，她反應甚大說：「係咪真o架？我有打底，着咗nude bra。」當得知只是露出nude bra，她才輕鬆謂：「都只係睇到個nude bra啫，都過咗去。（你下體現形。）我黐咗好多膠紙，着泳衣點都有少少現形，預咗，只要係健康性感就可以接受。」
不介意拍內衣廣告
問是否酬勞吸引才接泳衣騷？她稱價錢方面交由公司負責傾。她又不忘自我宣傳說：「我今年都有出寫真，我唔介意拍內衣同泳衣廣告。（行內衣騷呢？）都唔介意，但要做足安全措施。（着T-back？）呢個尺度我唔得，普通可以。」
面對Rainky穿比堅尼行騷曲線宣傳寫真集，Miki透過助手回覆說：「我本書係相文集，唔係寫真，唔需要用性感去谷，係畀人認識自己。（怕唔怕人哋咁性感被比下去？）根本唔使比較，因為大家路線唔同，我本書已被便利店選為好書推介，書展當日連續兩星期有獨立位置做宣傳，我啲相係美感。」
嘉欣sell簡單快樂
鍾嘉欣則認為寫真集不一定要賣弄性感，她說：「希望睇我本書嘅人感受到簡單就係快樂，寫真可以好多類型。我好欣賞我本書sell嘅嗰一面，就係我嘅生活好簡單，例如早餐雖然只係腸仔蛋，但都畀你感覺到係幾幸福。同埋入面有好多同小朋友溝通嘅嘢都可以感受到幸福，因為小朋友就係我哋將來嘅希望。」
文：名人組