藝人任達華「升呢」做導演，自編、自導、自演鬼片《迷離夜》其中一個故事，從不看靈異電影的他反而更有想像力去拍，由於太投入，搞到自己疑神疑鬼，拍攝以來都冇覺好瞓。不過只要見到囡囡，負面情緒就一掃而空。日前他接受有線節目《電影蒙太奇》專訪，被問到可享受當導演？華哥苦笑說：「拍完睇番就enjoy，但係拍攝呢40日真係唔好玩，我完全瞓唔到覺，個心安靜唔到，好恐怖，我依家明白乜嘢叫『疑心生暗鬼』，鬼愈諗就愈有，恐怖係來自人嘅心魔。」
