潘曉彤闖影壇拍美國動作片
由童星年代已加入電視圈的潘曉彤（Rachel），參演過無數角色，最近於新劇《好心作怪》Rachel參與演CID一角，笑言終一嘗做大人角色滋味，更謂：「以前成日做人哋個女同妹，不過我唔再係17歲，今年已經24歲嘞！好開心做番貼近自己年紀角色，又要捉賊同跳海，亦有同沈震軒感情線，所以都好有挑戰性。」
除於電視劇演出外，Rachel更將處女下海闖影壇，接拍美國動作片，對白全部為英語，不過正為角色練習功夫的她，日前卻不慎受傷，她謂：「一隻手整親手腕，另一手嘅手(月爭)又整到，結果要照X光，希望快啲好番啦！」
Rachel身為家中獨女，被父母錫到燶，她坦言曾想過放棄當演員，但得到父母鼓勵才打消念頭，更謂：「佢哋話雖然屋企唔係好有錢，但都養得起我，聽到好感動。」