蕭定一擬開戲顏福偉拒演「餅印兄弟」
陳振聰的「跳樓機式」人生，據知已成不少片商的新戲橋段。電影投資人蕭定一說：「好吸引！但都好時事性，依家市民都對事件耳熟能詳，要等事件丟淡啲先拍，發揮大啲。老竇都曾經拍過王德輝被綁架題材嘅電影《綁架黃七輝》，雖然今次有埋情慾內容，但都會以講爭產為主。（搵邊個扮陳振聰？）陳山聰太靚仔啦，要搵就搵顏福偉啦！」
被網民指與陳振聰「餅印樣」的「白花油王子」顏福偉昨接受電話訪問，他說：「唔了解法律，唔知判得輕定重，但愈多貪心，就愈多煩惱。」提到有人想邀他演陳振聰時，他反問說：「你會唔會接呀？梗係唔會啦！要尊重已故嘅人（龔如心）。」而香港電視主席王維基則對陳振聰故事作劇本未感興趣：「冇諗、冇考慮。」但他指將開拍小學題材的劇集《4年B班》，並已面試80多個小學生。
