范振鋒跪地再向思欣求婚

日前無綫藝人李思欣帶同老公范振鋒（Ricky）往鑽石工場揀選鑽石，身為「愛妻號」的Ricky拎起三卡鑽石戒指，突然跪低向思欣重演求婚一幕氹老婆，認真鬼馬！之後思欣又親授Ricky如何揀選優質鑽石，十分恩愛！思欣透露Ricky原來是其鑽石生意的幕後軍師：「當初我想學人做生意，但唔知投資咩生意好，Ricky就勸我不如試下同佢朋友搞網上鑽石生意。」身旁的Ricky表示：「我有朋友做開鑽石生意，咁啱要搵拍檔，我就叫思欣試下。香港鋪租太貴，做網上生意可以慳番唔少租金！」。

望推自家首飾

對於有何吸客妙計，思欣表示：「我哋主要想做年輕一輩嘅生意，因為我哋節省咗租金，定價可以比市面上平，而且我哋仲會幫客人訂造佢哋自己設計嘅首飾，咁佢哋就可以買到獨一無二嘅款式！」思欣更透露現正修讀珠寶設計課程，期望將來可推出她設計的首飾系列！

思欣、Ricky童心未泯，見到價值過百萬的巨型珍珠頸鏈，竟然把頸鏈當鎖鏈般把玩。

思欣親授Ricky如何鑑賞優質鑽石。

調理身體生B

另談到早前思欣被拍到與好友周家蔚睇中醫，有傳思欣睇婦科密謀生B，對此，思欣笑言：「我係去咗睇中醫調理身體，因為唔知點解我食極都唔肥，好想去睇醫生增肥，咁上鏡都靚啲！（密謀生B？）都想！不過最快都要兩年後，因為想調理身體先！」

文：李佩珊

攝：黎志輝