陳庭欣日本血拼 腳起水泡

陳庭欣（Toby）之前相約港姐之友彭慧中到日本旅行，從未去過日本的她表示覺得那兒很寧靜，更行街Shopping行到腳起水泡，不過值得的是買了不少心頭愛，問Toby為何不找好姊妹莊思明一同前往時，她謂︰「我問咗佢啦！佢話驚有輻射，佢話人哋講去過5年內都唔好生，（佢快生BB？）呢啲咁私人嘅問題我唔會問。」記者致電給思明時，她哈哈大笑謂︰「有輻射之後我都未去過日本，有啲人話10年內唔好生，我又唔係18、22歲，五年後都31歲啦！唔想有乜嘢後患，到時怪自己。」思明又指自己很喜歡小朋友，笑言：「去到冇人要、嫁唔出，最壞打算就係去嘗試試管嬰兒。」

身體語言溝通

再問到Toby為何不找曾傳緋聞、又懂日文的翟威廉一同前往時，她謂︰「佢啱啱去完日本拍嘢，去日本都唔使點講日文，講乜文都冇用，用身體語言就得。」

陳庭欣早前到日本血拼旅行，買下大量戰利品。	陳庭欣相約港姐之友彭慧中（右）到日本旅行。	莊思明表示自己很喜歡小朋友，將來一定會生B。（資料圖片）

今次是Toby首次踏足日本，她指日本給她的感覺是很寧靜，她說︰「以前喺外國讀書，唔會飛嚟飛去，以前我只可以同家人去旅行，今次去日本我都有買好多衫、miffy物品。」問何時再去？Toby指現時要積極儲錢買樓，他的父親是警員，現時住宿舍的他們暫定年尾都搬新居。

文︰影視組