吳若希情傷未愈 唔敢求愛
吳若希（Jinny）早前因忙於為剛推出的新專輯《我懂了》錄音，故生日當天未能與歌迷慶祝，最後延至上月中才舉行補祝生日派對，身為老闆的何哲圖亦現身支持，更與Jinny合唱兼一齊切蛋糕，問到生日願望？Jinny說：「新碟大賣同身體健康。」
被傳因遭富二代男友的母親棒打鴛鴦搞到分手收場，Jinny承認回復單身，她說：「我哋斷絕咗聯絡。」記者笑指生日願望應搵個好男人，Jinny說：「依家係好Dry，不過暫時唔會拍拖住，用工作去調劑自己。（畀之前段感情傷得深？）少少啦，一向對感情好專一，既然放低咗，唔會咁快發展第二段感情，惟有寄情工作。」她表示日後遇上心儀對象會細心觀察對方的性格才開始，她說：「尤其係佢身邊嘅人。」
歌迷捐錢
Jinny感激歌迷每年都會記起其生日，她說：「佢哋平時送好多嘢畀我，唔想佢哋嘥錢，前年開始叫歌迷捐錢去機構幫助別人。」Jinny表示收到很多捐款單據，她說：「雖然銀碼唔多，但有好多張，都幾開心同安慰。」原來Jinny求學時曾參加青年組織做義工，問到有否想過成立個人基金？她說：「嘩！好遙遠嘅事，暫時盡自己能力， 捐到幾得幾多。」