任達華投資認保守 全球買磚頭
在世界多個國家均擁有物業的任達華，竟自嘲不是個精明的人，不懂亦不信任基金及股票，認為買磚頭最實際；在現今有樓便無憂的瘋癲世界下，其實最精明的就是獨具慧眼的他吧！
首次執導鬼魅系列電影的任達華，近日忙得不可開交，日前他趁空檔接受王賢誌主持的now節目《Vinci's Code》訪問，大談工作及生活品味！主持人王賢誌問到在各地都擁有物業的他，有何投資心得？華哥竟說：「其實我從來冇買過基金或者股票，我唔識亦都唔信，我好保守，買樓亦唔係為投資，只係鍾意嗰個國家先會喺嗰度買屋，好似英國、紐約、新加坡、上海、北京同香港，買咗亦keep住唔會炒賣，所以我唔係一個精明嘅人！」
自尋樂趣
華哥說所有物業的裝修都是自己的構思，他說：「每個國家都有唔同嘅文化，所以每間屋嘅設計都完全唔同，我第一間喺紐約嘅屋，會放啲英式梳化，上海嗰間就有啲巴黎歐陸feel，北京嗰間就全白，當個世界冇咁多樂趣畀我時，我就自己搵樂趣囉，構思過程都搵到好多樂趣！」這個樂趣可不是每個人都能擁有呢！
唔睇鬼片
談到首次執導的鬼魅電影《迷離夜》，華哥竟自爆不會看鬼片，但機緣巧合下還是接拍了，過程也遇到困難，他說：「要身兼演員同導演係好大負擔，一路拍緊時我自己精神麻麻哋，會自言自語又失眠，但我當係一個全新學習，都學到好多嘢！」
主持人王賢誌表示跟每位嘉賓訪問後都會有所得着，這是工作以外的最大收穫，希望觀眾也能獲益！
採訪：名人組