祥仔東京公幹 潮享天倫
黎耀祥為百佳超級市場拍攝40周年廣告片，身為代言人的他打扮如「賀禮」般，更拿結他仔唱生日歌。祥仔表示之後會到日本拍旅遊特輯，順道跟家人真真正正休息去旅行。
黎耀祥已第四年為百佳超級市場擔任代言人，被指入住風水屋的他果真「長做長有」！日前，祥仔為超市拍攝一條40周年的廣告片段，廣告中祥仔打了bow呔及穿西裝，打扮猶如「賀禮」般，拿着結他仔的他更唱起生日歌來。
之前祥仔的新居「獨立屋」被傳媒「起底」，祥仔昨日接受訪問時坦言只希望給家人住在一個舒適的地方，他謂︰「以前屋企比較細，我哋做呢行好多衫，依家呢度個仔間房起碼有自己嘅書枱，讀書的專心啲。」
旅行滿足囝囝
早前有指他七年大運出年便行完，被問到有沒有信心為超市再連任代言人？他笑言︰「有冇運行真係要問吓啲雜誌。」 而問到之前是否有搵風水師為新屋睇過風水？祥仔謂︰「雜誌話我要搵間屋冇山冇水先夾我，邊有咁多風水地冇山冇水o架！梗係有山有水好啦！有靠山好啲。」
另外，拍完《巾幗梟雄之諜血長天》後，祥仔便會為無綫拍攝旅遊特輯，更會到日本拍攝，由於囝囝放暑假，他們一家打算之後繼續留當地玩，祥仔謂︰「今次主要去東京拍攝，我其實未試過正式同家人去旅行，去日本更加未試過，個仔鍾意shopping，我就行吓街、食吓嘢就滿足，（你平時着衫都好潮?）梗係，我都會去入吓貨！」
文︰影視組