DaDa惡補英文 誓雪前恥
因英語發音問題連環成為被取笑對象的陳靜（DaDa），昨午出發遠赴紐約出席亞洲電影節宣傳新片，為一雪前恥，DaDa今次帶備英文書同行，爭取時間惡補英語。
在影壇取得不俗成績的陳靜，昨午戴着黑超現身香港機場，準備飛赴紐約出席亞洲電影節。之前因英語發音不夠標準，連環成為被揶揄對象的DaDa，此行帶備了英文書，方便隨時狂刨惡補英語一雪前恥。
DaDa說此行帶了10套靚衫，希望每分每秒都能以最佳姿態示人，還希望能乘機向周杰倫(抓)撈，DaDa昨接受電話訪問時說：「我知周杰倫套《天台》係閉幕電影，所以好期望喺當地撞到佢，到時我一定爭取機會(抓)撈。」
邵音音讚演技好
而DaDa最近就與邵音音再度合作，為電影《迷離夜》中陳果執導的一個單元故事演出。兩位金像獎最佳女配角在戲中再擦火花，音音姐讚DaDa演技出色，令她刮目相看：「佢天生屬於我哋呢行，有一位咁青春嘅出爐最佳女配角同我合作，我覺得好幸福。阿梅（梅艷芳）走咗之後，未見過可以演到唔同角色嘅演員，同佢合作，我覺得呢生人得到好多。我好鍾意今次個劇本，又係陳果執導，絕對係天畀嘅機會。」對於獲音音姐大讚，DaDa表現感動，並說：「好開心，其實係大家嘅互動性，冇佢就帶唔到我嘅戲出嚟。之前同佢合作演喜劇，今次係我嘅新嘗試。」
在《迷離夜》中，DaDa慘遭三名大漢強暴至死，她說這場戲令她印象難忘：「當時驚到喊咗出嚟。因為強暴戲始終有身體碰撞，仲要喺車廂呢啲咁細嘅地方發生，結果搞到我全身瘀晒。」
周杰倫疑遭侵權
另外，昨日有內地報道指周杰倫向內地一間公司提出侵權起訴，指該公司擅自使用他的肖像和姓名，並要求賠償600萬人民幣。
文：影視組