Dominic反擊有代溝
面對寫真集被Bob和Ana R.批為「最差三甲」，幾位主角昨日在接受電話訪問為自己大平反，被插乸型的Dominic表現最激動，他暗寸Ana R.年紀大兼好「Out」：「其實我本寫真入面仲有甜品食譜，志在同fans分享，而且我啲fans係90後多，80後少，可以理解點解Ana會睇唔明。」對於拿着檸檬影相遭狂踩，他寸嘴說：「檸檬同話梅都好新鮮，不過我鍾意檸檬多啲。」
至於被Ana力數「吱cream喺心口唔知做乜」的黃榕，表示不會為此感不快：「其實咁樣做都幾可愛，多人評都係好事。」另外，FF(x)成員鄒莉盈（Cecilia）則表示無論甚麼意見都會接受，對於被指copy cat，她解釋是刻意向前輩致敬，而泳衣顏色被指十足測試色盲，她笑言不會因被前輩踩而失去信心。