陳奕迅敬老 借花行善
一連25場「Johnnie Walker Eason's LIFE演唱會」將於本周六（六日）開鑼，日前陳奕迅（Eason）到紅館視察搭台過程時，發現舞台搭好之後，兩邊可以擠出小量中價座位，供買不到門票的「迅徒」入座，而主辦商就決定加開每場40個$380的座位，即合共一千張門票，歌迷可於七月五日上午十點起，在城市電腦售票網購票。
另外，Eason指自己第一次在搭台時參觀紅館，感覺新鮮，又呼籲歌迷屆時送花不如套現，希望能借花敬佛，幫助有需要的人，他說：「每次開騷都有好多朋友同歌迷送花嚟，但啲花擺喺紅館兩三日就謝晒，好浪費，不如拎啲錢去做善事。」Eason又指將會有工作人員收集所有善款，一次過捐給食物銀行，讓有需要的老人家及貧窮家庭都有飯開。
叮囑歌迷勿炒賣
而Eason又指演唱會將會推出三款紀念品，包括T-shirt、帽及帆布袋，不過每日只會限量出售100個，雖然數量有限，但Eason叮囑大家切勿炒賣：「紀念品係紀念之用，唔係用嚟賺歌迷嘅錢，所以貴精不貴多，唔好放上網炒！」
文：音樂組