高海寧喇叭殺退鹹豬嘴
高海寧於2010年到南非採訪世界盃時，也差點被球場內的球迷強吻，高海寧昨接受電話訪問時謂：「嗰陣我拍緊球場內嘅場面，見到有個外國球迷戴摔角手面具，咪同佢傾幾句，當時佢搭我膊頭，之後仲想錫埋嚟，好在拍檔Keyman（馬啟仁）醒，用打氣嗰啲大喇叭吹佢，咁咪救咗我。」問高海寧平時外景攝製隊會較少人，會否較危險？她謂：「唔會，我上次去南非都安全度過40幾日，公司安排得好完善，但意外好難避免，做女仔要小心保護自己，遇到唔舒服要即時出聲，就算拍唔到啲特別鏡頭，同事都唔會怪你。」
而呂慧儀接受電話訪問時表示，試過獨自到法國旅行，玩自拍時突然被一個男人攬腰、頭貼頭影相，但慧儀覺得外地文化跟香港不同，所以沒感不快，說到被摸臀部，她就謂：「如果係就兜巴星啦，不過我都係得個講字，可能遇到嗰刻都唔識反應。」
