黃子華男女通錫

演員黃子華在無綫新劇《My盛Lady》錫盡各式美女，昨日繼續開工時他笑說是女士們「艷福不淺」，問到之後可再有親吻戲？子華笑說：「冇啦，我連許紹雄都錫埋面珠！」當問到錫太多美女會否想轉錫男士時，子華突然提起林子善，一度眼泛淚光又要深呼吸才能繼續：「我拍呢場戲差啲喊出嚟，成日見到子善都想喊，我當佢好似細佬咁，見佢成日困難重重，真係令我好心痛！」但再追問所為何事，子華卻未有解釋。
子華在新劇中咀盡美女。
子華在新劇中咀盡美女。

另外今次場口講述子善與梁靖琪因五百元人情鬧交，最終結不成婚，而徐子珊、陳敏之則飾演姊妹團，她們異口同聲表示應該不會出現這種尷尬場口，事關兩人都不想擺酒，覺得太過麻煩。說到有傳子華拍攝中途鬧到子珊喊，子珊解釋道：「冇啲咁嘅事，嗰場戲係講我要喊，我哋拍得好開心，子華人前會緊張啲，私下大家都拍得好融洽。」

林子善與梁靖琪（中）因五百元人情鬧翻，最終結不成婚。
  • 林子善與梁靖琪（中）因五百元人情鬧翻，最終結不成婚。
陳敏之（左）與徐子珊異口同聲結婚都不會擺酒。
  • 陳敏之（左）與徐子珊異口同聲結婚都不會擺酒。