阿Sa拒順產：喜歡逼狹感覺

蔡卓妍（阿Sa）昨日到電台宣傳新碟，提到近日有好友榮升父親，阿Sa笑言如果自己以後「有咗」，一定會定時「高炒」自己個肚，製成相集，細味個肚慢慢變大的日子。

讚Mani夠偉大

阿Sa又指平時見朋友帶B出來玩，自己都覺得好得意，問到經理人霍汶希（Mani）生B，自己有否「心思思」？阿Sa大讚道：「我見到Mani條疤痕就覺得佢好偉大！但我暫時未想有條疤痕住。」

阿Sa希望35歲後才生仔，未知男友陳偉霆會否同意？（資料圖片）

Mani剖腹產B，肚皮留疤令阿Sa大為佩服。

提到順產無疤，阿Sa突然語出驚人說：「哎呀，好痛o架，聽人講順產都有問題o架，我喜歡逼狹嘅感覺多啲！」

接受人工受孕

至於阿Sa計劃幾時「升呢」做母親？她直言：「有啲嘢唔係話想就有，講天意嘅，我朋友42歲先有B，等我過咗35歲先算啦！」問到家人有否催生B？阿Sa笑指媽媽現在湊五隻狗已經夠忙，加上爸爸喜歡自由自在，所以未有壓力。

不過阿Sa就坦言想生囡囡，因為可以扮靚，她又指：「如果有孖胎仲正啦！（會唔會學陳慧琳接受人工受孕？）若果到我高齡都未有B，都會試下嘅。」

文：音樂組