黃榕點擊書展 犯禁抽相
每年推出寫真都愛挑戰性感底線的黃榕（Gloria），繼去年推出全裸寫真要貼上「18禁」字眼才可在書展發售，今年又因踩界玩露點及露股遭淫審處勒令抽起「禁相」。向來大膽的Gloria直言覺得「禁相」沒問題，談到新寫真中有照片不慎露點，她即補鑊謂：「冇為意，但如果我抽起禁相後，獲淫審處通過，我都會小心檢查冇露點先出街。」Gloria續說，今年又會送底褲給粉絲谷寫真銷量。
黃榕去年推出全裸寫真集，因尺度問題要貼上「18禁」字眼才可在書展發售。今年Gloria再接再厲推出寫真集《Gossip Gloria》，不過卻因踩界玩露股及露點遭淫審處勒令抽起「禁相」。不過敢作敢為的Gloria覺得，禁相以美感為主，絕無挑戰道德底線，故對淫審處決定一直耿耿於懷。
比去年收斂
Gloria日前向本報展示寫真集的相，相中見Gloria大騷32C美好身段，性感之餘不失美感。不過，在一張浸浴照中，Gloria雖以雙手遮掩巨咪，但右邊胸卻疑似露點。對此，Gloria補鑊謂：「我冇為意，但如果我抽起禁相後，獲淫審處通過，我都會小心檢查冇露點先至出街。」
雖然激爆照片最終未能見街，幸好寫真內仍不乏有睇頭照片，其中一輯見Gloria用忌廉砌成心形圖案遮胸，三吋事業線清晰可見。Gloria透露，大批性感照中，只有「忌廉胸」有得留低，她說：「啲相冇嘢，都以靚為主，亦都比上年收斂咗好多。（覺得香港尺度唔及其他國家？）係，好多地方都影到類似露點嘅相。」
預告露三點
Gloria又謂即使未來成為人妻，都會繼續影性感相，屆時可能更激：「攝影師係我好朋友，我好信任佢。其實我仲想影得激啲，好似人生去到唔同階段，結婚有小朋友，都會影啲激啲（三點盡露？）會，不過會私藏。」Gloria又指會如上年一樣，殺入書展做宣傳：「上年我即場除底褲送畀粉絲，今年都會送全新未着過嘅底褲畀頭10位粉絲。」
文：專案組