蔚雨芯小腰精 射迷幻導彈
歌手蔚雨芯（Rainky）在處女寫真中，力谷32D「魔鬼胸」迷惑宅男，泳裝、內衣、透視look統統出齊。自認胸夠挺、腰又細的Rainky，拒再發育，怕胸太大會墮，揚言無懼成為宅男性幻想對象。
蔚雨芯籌備了大半年的寫真集昨日終於出籠，以「魔鬼胸」響朵的她成功躍升為新一代性感女神。在寫真集中，Rainky盡情發揮其32D導彈威力，大擺倒奶、S形甫士色誘粉絲。唯一美中不足是，她一輯半裸胸壓草地的照片，赫然胸前見nubra，「穿崩位」破壞了美感。
瞄準台日市場
現年19歲的Rainky受訪時表示，希望寫真賣得愈多愈好，更想衝出香港，進佔台灣及日本市場，而前晚她就忙於為500本寫真集簽名，為促進銷量做好準備。問Rainky以性感行頭，可擔心成為宅男性幻想對象？她說：「都有人問過我呢個問題，如果係都只係對住本書啫，又唔係對住我，我都想多啲人鍾意我。」
談到身材上的優點，Rainky自認勝在合比例，最自豪腰夠幼：「我天生得23吋腰，我唔係最滿意自己胸部，其實唔覺大，不過就夠挺，可能我後生啩，我知冇男仔唔鍾意大胸，但係我怕胸太大會易墮囉。」
自爆曾遭非禮
Rainky又自爆13歲時，有次返學途中遭非禮：「喺巴士有個男人喺我前面舉高張報紙，好似想遮住我，另一個就扮瞓覺，摸咗我大髀一吓。當時我好驚，即刻起身逃離車廂。」Rainky笑言之後已再沒不快經歷，因近年她出街都絕少打扮，更連追求者都沒有。
文：音樂組