JC慶爆頂唔順 避走南半球
炎炎夏日，避暑成為「暑假節目」的首要任務，「警鐘胸」女模Jessica C.和女模Mandy Lieu認為走到南半球，到澳洲過冬是最佳的避暑方法。
模特兒Jessica C.：「如果想避暑，最啱去澳洲，因為澳洲同香港天氣啱啱相反。」
《手袋慈善拍賣》
名模Rosemary：「法國南部係唔錯嘅選擇，當地陽光普照，而且氣溫只有20度，非常適合暑假去。」
《醫學美容》
混血名模Mandy Lieu：「去澳洲過冬，如果我喺馬來西亞好熱嘅時候，我會上去山區，山上嘅山風好涼快！」
《廣告探班》
陳靜：「揀泰國啦，泰國當地有好多Shopping mall，仲可以去海邊或者泳池游水，同埋嗰度啲生果好新鮮，所有嘢都係為夏天而設，又平又正。」
《「第四屆太子珠寶鐘錶精英盃」賽馬日》
楊怡：「香港夏天咁熱，我會去冬天嘅地方，或者去澳洲嗰邊去休息吓，不過我都好鍾意陽光與海灘，去泰國布吉就可以玩水上活動，好好享受假期。」
楊千嬅：「去北極囉！如果可以去到北極參觀四圍嘅環境，呢個係一生人嘅成就，嗰度咁凍，乜暑都消晒啦！」
《Re-think Re-design空間藝術展》
歌手陳逸璇：「我會揀離開香港，去外國嘅沙灘，或者酒店泳池都可以。」