陳振邦等仔大齊行善

「莎莎太子女」郭詩慧夫婿陳振邦昨日出席慈善頒獎活動,他透露囝囝現時十五個月大,已牙牙學語,懂得叫爸爸媽媽和最喜歡說「不」。問到會否與囝囝一同行善?他說:「都會,等佢大個啲先啦!(有冇將佢利是錢捐去做慈善?)未呀,遲啲先,拆咗畀佢媽咪用!」而暑假他就計劃帶囝囝到東南亞等地如新加坡遊玩,由於兒子還小,故不會遠遊。

而同場的博愛醫院前總理兼東源大地物流公司老闆王嘉恩(Albert)則謂暑假沒有空外遊,但身為四川政協的他就希望能到四川探望熊貓。