馬浚偉被槍擲中入院
藝人馬浚偉昨日為新劇《守業者》開工時，揸槍的對手不慎甩手，令槍頓時飛脫，馬浚偉慘被擲中，左眼角腫起來，監製梁材遠見狀即陪同他入院，醫生先為他洗傷口，繼而進行X光檢驗，證實馬浚偉鼻骨上有兩個裂縫，他謂︰「醫生話要等佢自己埋口，如果唔埋口先要開刀。（有冇影響拍攝進度？）有呀！因為眼角腫咗，要等佢自己慢慢消腫，所以都要停工幾日。」
另外，馬浚偉昨日舉行新碟發布會，獲偶像周慧敏（Vivian）撐場（左圖）。馬仔仲即場向「女神」Vivian送花、水晶貓及寫有「最愛周慧敏」的閃燈牌，又拎出一大疊閃卡索求簽名。
