身在內地拍劇的黎耀祥昨日專程返港出席活動，他指剛在佛山拍攝了一個星期：「做完嘢即刻趕夜車返去繼續拍，我哋會食魚食雞，但唔會食狗。」
早前有報道指他曬燈是想學古天樂一樣愈黑愈旺，祥仔否認：「我好少曬燈，不過夏天時我就好鍾意曬太陽。行唔行運我覺得冇所謂嘅，運氣同皮膚冇直接關係，我信一命二連三風水，係條命嘅問題啫。如果曬黑就行運嘅，我做地盤啦，咁咪好好運？」
