周啟生巫啟賢夾計開火
官恩娜（Ella）、巫啟賢、陳倩揚等昨日出席《明愛暖萬心》記者會，前日當街仆倒的Ella扭傷了腳，所以要穿波鞋現身。
Ella透露將在節目中以粵曲平喉演繹《賣花女》，她說：「我有唱開粵曲，以前同媽咪唱，我會扮任劍輝，以前喺無綫一個夢想成真節目裏面我都係唱粵曲，仲拜過蓋鳴暉為師一日，今次都係一個挑戰。」
周啟生為《星夢傳奇》擔任4集評判，之後會再做樂隊領班，他自爆在節目中與另一評判巫啟賢經常爭拗，似充滿火藥味，其實是早就夾定，他說：「都係為咗節目嘅娛樂性，之前問定佢『趷』唔『趷』得？佢話冇問題。」他大讚巫啟賢是做音樂評判的專家，他說：「佢喺內地做好多節目評判，賺好多錢o架。」不過周啟生就暗寸時下一些歌手連自己首歌係咩Key都不知道。