千嬅V煞晒腰徒露無功

向來唔sell身材的楊千嬅，昨日竟身穿超性感Deep V透視裙現身馬場，當堂艷壓全場！但千嬅卻搞笑自嘲「冇嘢睇」，還大爆曾志偉寸她掉轉件衫着。當提到老公丁子高被指臉部疑似修葺過時，她亦繼續發揮搞笑本色，寸老公眼肚大過手指公！

楊千嬅和楊怡昨日以「精英獎」得主身份出席第四屆「太子珠寶鐘錶精英盃」賽馬日，同場還有曾志偉、楊怡及馬賽等。千嬅以一襲透視Deep V露腰裝現身，搶盡風頭！記者指她是全場最性感的一個，她即自嘲：「都冇嘢睇，志偉話我掉轉件衫着，次次佢都畀同一個反應。（老公有冇話你？）佢唔得閒理我，今日休息都要湊仔。」

現場所見，千嬅右手腕仍戴上護腕，她表示「媽媽手」再次復發：「之前係咁做運動，搞到又發作。（唔好抱佢住？）係，暫時都唔郁得住，媽咪幫手湊仔。」

此外，提到日前有雜誌指丁子高變「膠面」，眼袋也不見了，有「整容」疑雲？千嬅聽罷即難以置信表示：「我老公喎？佢眼袋大過手指公！無可能靚仔咗！我尋日先話佢要搞吓個肚同眼，定佢自己執過張相擺上微博咋？」又爆老公日前出街，才叫她幫手化妝遮眼袋：「嗰日食奶奶生日飯，我仲逐忽逐忽（遮瑕膏）幫佢搽落眼肚度。」

而楊怡則透露自己投注了一百元：「今次係我第一次親自到櫃台買，唔想甩碌。」提到早前入院，她表示：「我頸椎第五、六節凸出同生骨刺，要開始做物理治療，佢哋建議我游水，但我唔識。（叫羅仲謙教你？佢做過救生員喎。）佢識救人啫，游水好難學，教冇用，最緊要自己學。」

文：名人組

千嬅V煞晒腰 徒露無功