千語操肌誘林峯摸
林峯女友吳千語昨與「警鐘胸」名模Jessica C.齊穿婚紗為「星級名錶珠寶時裝匯演」行騷，提到日前被拍得與林峯及一班朋友食飯，千語和林峯在朋友前態度親暱，林峯還摸千語腹部，因此有傳千語大肚，問她是否懷孕？她說：「絕對冇。（摸你肚喎。）呢排我做gym結實咗，有啲肌肉。」問二人如此肉麻會否影響同枱友人？她說：「唔會，成日都一班人食飯。（唔介意人前親熱？）正常啦。」
問林峯是否發福？千語謂：「之前報道話佢瘦咗，依家又肥咗，我覺得差唔多。（嗰日食飯林峯點解扁嘴？）私人嘢唔講。（激嬲佢？）普通食飯。（你哋冇嗌過交？）呢啲唔講。」