黎明寸政府用詞不當

雷頌德（Mark）前晚舉行第二場演唱會，他自彈自唱《Baby Song》送給到場睇騷的大仔雷鳴及細仔雷響。黎明則大爆已故填詞人黃霑的趣事：「有次表演完同張國榮等人去霑叔屋企，霑叔畀咗碗湯我飲，佢話係林燕妮咒佢死，黃瓜湯。」
黎明老師上身，教雷頌德用適當詞彙。
黎明老師上身，教雷頌德用適當詞彙。

之後黎明向Mark說：「你話多謝工作人員，係唔啱o架，佢哋有出糧，你去餐廳食完飯，唔通畀完錢再同經理講多謝？」黎明續說：「應該講辛苦晒，對觀眾、老婆就講多謝。」黎明講到欲罷不能：「政府成日話嚴肅處理事情，嚴肅係表情，唔係態度，應該話嚴謹處理事情，可以用嚴肅嘅表情講。」

雷頌德太太梁家玉帶兩兒子撐場。
  • 雷頌德太太梁家玉帶兩兒子撐場。