祖兒生日保蜜 師兄玩即興

樂壇天后容祖兒昨日出席「太子珠寶鐘錶精英盃」賽馬日，獲頒「精英獎」的她笑言孤注一擲100元買馬：「我冇乜橫財運，係靠自己努力賺錢。」本月中33歲生日的祖兒被問到是否過得特別開心？她說：「年年都特別、都開心，我唔想咁鋪張，反而係生日前一晚朋友先約去飲嘢。（朋友想見師兄？）成日都見，大家都有共同朋友。」

獅城塞鼻開騷

去年6月有傳師兄在祖兒生日派對上追得美人歸，日前二人更被拍到冒着三號風球，手拖手慶祝拍拖一周年，慶祝節目一個接一個，名副其實「打風都打唔甩」。而最令人關心的是師兄今年會使出甚麼冧女招數，問到男友可有炮製驚喜時，祖兒一臉甜絲絲說：「有冇呢？少少啦，有啲啦。佢冇安排，所有嘢都係last minute先做，我哋大家都一樣，唔會怪責佢。」她透露師兄有送上禮物，但刻意保持神秘，亦否認是戒指。另外，祖兒稱將到新加坡開個唱，由於當地空氣差，她笑言會派發口罩，自己亦有「鼻」而戰：「我喺淘寶買咗兩個塞，可以塞住個鼻。」

劉浩龍尾二衝線，還興奮向鏡頭揮手。	師兄與祖兒有共識，將生日禮物保「蜜」。	日前祖兒拖實師兄慶祝拍拖一周年。

扒浴缸得尾二

另一邊廂，師兄昨午在龍舟嘉年華，與王合喜組隊參加扒浴缸比賽，但雞手鴨腳的他出師不利，險墮海翻艇，最後以尾二過終點。師兄完成賽事後，即急急打電話密斟，相信第一時間向祖兒報平安。問師兄可曾試過與祖兒共浸浴缸？他說：「冇喎，我自己浸多。（祖兒收禮物好冧？）唔話你知，呢啲嘢兩個人知，總之就好開心。」對於近日頻頻被影到與祖兒撐枱腳？師兄說：「日日都要食三餐。（減肥？）我呢個Fat-Dragon都瘦咗好多。」

文：音樂組