家強爆家駒遇炒飛黨
前Beyond成員黃家強、著名填詞人劉卓輝及樂隊RubberBand成員6號昨日出席「Beyond30分享會」，提到Beyond於1988年以首隊樂隊身份到北京首都體育館舉行演唱會，家強大爆亡兄黃家駒趣事：「家駒喺場館附近周圍八卦時，有個男人問佢買唔買飛，話個騷好好睇，家駒問個男人識唔識佢，個男人就話唔識。」
家強再提及家駒時一度口震震兼眼濕濕，他說：「好怕講Beyond嘅嘢。」對於經典歌《海闊天空》被選為「我選最Beyond」的首位歌曲，家強指和亡兄創作這歌時正身處日本，當時生活艱難，加上語言不通，故朋友不多。家強又稱再發表家駒遺作有難度，有人贊成之餘又擔心被指為賺錢。