官恩娜 斥食狗者變態

歌手官恩娜（Ella）、張崇德及劉美娟等昨日出席動畫《綠國奇兵》首映禮，曾多次為動物角色配音的Ella笑言終可「做人」。她說：「通常卡通都要冒險，經常要尖叫，自己都會擔心傷到聲，因為我始終係歌手，所以盡量會就住。」對於內地仍有人食狗肉，愛狗的她即怒斥變態：「點解啲人可以咁冷血？狗係好有靈性、好知性，點解會有胃口食？睇到啲文章有相，我都唔敢click入去睇。雖然有好多人鍾意食，但我覺得要踏出第一步，個社會先會進步，應該先立法禁咗佢，再教育啲人。」
官恩娜愛犬如命，非常反對人食狗肉。
官恩娜愛犬如命，非常反對人食狗肉。

另外，傅嘉莉早前自爆跟吳卓羲拍拖，身為吳卓羲「舊愛」的Ella避談：「依家錄緊新碟，專注自己嘅工作，所以冇留意其他人嘅新聞。（祝福佢？）唔講其他嘢，希望大家支持環保。」

張崇德與老婆劉美娟帶埋仔女睇動畫。
  • 張崇德與老婆劉美娟帶埋仔女睇動畫。