陶大宇減磅鬥戲密密賺
藝人陶大宇最近往青島拍攝內地劇賺「人仔」，令人羨慕背後其實都付出代價，他要日夜趕戲「冇啖好食」兼期間抽空作商演，短短兩個月，大宇因而清減十多磅，但他笑說與劇中多位好演員合作之得着：「計落有賺啦！」
由港星陶大宇、內地演員秦海璐和台灣藝人賈靜雯等演員合作的內地劇《幸福稍後再播》快將煞科，大宇為此劇到青島拍外景，原以為當地有著名的海鮮品嘗，惟日、夜忙開工，多在片場捱飯盒，沒多大機會出外「食好嘢」，加上拍劇期間，大宇又要到內地其他城市作商演，頻密機程再緊接開工，跑慣「江湖」的大宇都感到有點吃不消，在短短兩個月間，原本健碩身形的他都清減不少，大宇笑說：「日日冇啖好食，雖然我冇認真磅過，但我個身瘦咗好多，應該都有十幾磅。」
無緣欣賞靚景
青島出名風景靚又有海鮮食，但大宇在當地開工，可能地方偏僻，入住的酒店與食肆相隔甚遠，大宇稱開完工已累到不得了，哪有閒情到海邊食海鮮呢？而為外景曾與秦海璐到海邊拍攝，因而見識當地一瀉千里的海景，可惜當日太大霧，欣賞時有點阻礙。
秦海璐冇架子
對與秦海璐的合作，大宇說：「當然係個好演員，佢攞過咁多個獎，又金馬獎女主角、又香港金像獎最佳新演員，演技一定冇懷疑，又冇架子，合作好愉快！（另一位賈靜雯？）佢戲中文靜，現實中其實好健談，仲有內地演員趙立新都係我值得學習嘅老師，今次演出係我嘅得着！失去嘅……只係十幾磅啫，我咪當意外減肥，計落我有賺啦！」
文：影視組