阿Sa唱功獲讚 感動到喊
蔡卓妍（阿Sa）昨日到電台宣傳新碟，她透露獲粉絲大讚歌藝，令她感動到想喊：「以往出咗碟歌迷都係讚封面、相好靚，但今次歌迷讚啲歌好好聽，我睇到啲眼淚差啲想標出來。」阿Sa又表示有歌迷在微博叫她不要放棄音樂：「我唔係出色嘅歌手，但原來都有人欣賞，（你試過想放棄？）又唔係話放棄，有問過自己係咪要繼續，我好鍾意錄歌出碟，但唱live會好緊張，自己要衝破呢個關口。」提到好姊妹鍾欣桐（阿嬌）上個月亦有推出大碟，會否擔心自己人打自己人？阿Sa笑說：「唔驚，每個月咁多人出碟，而且佢出國語碟，我出廣東碟。」
