魏駿傑紋大明咒盼母安息

魏駿傑早前在內地節目重提與滕麗名的情史而引起對方不滿，為此煩惱的魏駿傑近日還要為亡母的後事而頻撲。魏母於大前日身體情況轉差，魏駿傑即停工返港陪伴母親，可惜魏母敵不過癌病煎熬，前日下午2時，在所有家人陪同下安詳離世，享年83歲。

昨早魏駿傑忍着傷痛，與兩位胞兄頻頻撲撲為母辦理身後事，見神情哀傷的他右手手臂紋上藏文，他直認該紋身與媽媽有關：「兩個幾月前想為媽媽祈福，希望幫到媽咪唔好咁痛苦，所以紋咗『六字大明咒』嘅藏文字樣喺手臂，係我自己迷信，希望可以幫媽咪轉移痛楚，畀我代佢承受痛楚，媽咪去世時好似唔係咁痛，都好似有啲靈驗。」

魏駿傑十分疼錫媽媽。	昨早魏駿傑與兄長為亡母辦身後事。	放大圖片

遺願土葬

至於母親的後事安排？他說：「一切進行中，暫定媽媽喺6月30日於北角香港殯儀館設靈，7月1日大殮，會用佛教儀式舉行，並舉行土葬，呢個係媽咪嘅遺願，因為爸爸都係土葬。」談到與母親相處最後的日子，他一臉唏噓說：「冇乜，佢之前入咗醫院都兩、三個月，最初胃口好好，我同兄弟都有盡孝心買好嘢畀佢食。媽咪係末期肝癌，但都算有福氣，因為佢臨走前3、4日先食唔到嘢。」

囡囡陪喊

雖然今次魏駿傑妻女未有陪同，但他亦讚囡囡生性：「囡囡主動問嫲嫲去咗邊，我同佢講嫲嫲係去咗另一個地方，尋晚我諗起媽咪，就開咗支紅酒飲，之後仲喊起上嚟，囡囡跑嚟安慰我問我做咩喊，我冇答佢，但佢就同我喊埋一份。」

文：專案組