梁漢文嘲笑：孤獨蛤蚧頭
歌星梁漢文（Edmond）前晚腳傷未愈出席活動，對於好友音樂人郭偉亮（Eric Kwok）不慎在微博發放「露械」照，他質疑對方的「大草原與山頭」論，笑言：「點睇都係一個蛤蚧頭，仲要係孤獨嘅蛤蚧頭！」
梁漢文、苟芸慧（苟姑娘）、陳煒、梁烈唯、黃長興等前晚到北角出席《2013 TVB最受歡迎電視廣告大獎》，早前偕妻與Eric Kwok夫婦同遊泰國的Edmond，不忘嘲笑Eric Kwok的發相瘀事，他說：「好戇居嘅行為！我夠有裸曬、影相，但我冇發微博！我以前都試過返內地做嘢，喺酒店沖完涼無聊冇嘢做，自拍下身，唔見樣嘅，但兩秒即刪啦，仲留呀？」
陳煒踩爆燈膽
對於Eric Kwok以「大草原及山頭」來形容「露鳥相」，Edmond說：「點能夠欺騙到人，張相點睇都係一個蛤蚧頭，仲要係孤獨嘅蛤蚧頭！唔好再狡辯啦，郭偉亮！」Edmond指Eric Kwok在事發後早已將事件拋諸腦後，並沒有影響旅遊心情。
至於苟姑娘與陳煒分別以貓女郎及蛇燈神扮相示人，苟姑娘表示即將投入新劇拍攝，寓工作於減肥，拍完劇會拍纖體廣告。陳煒演出時不慎踩爆燈膽，但有驚無險，又慶幸即將加入《愛．回家》劇組。
文：影視組