JJ 虎背熊腰晒肥美「米芝蓮」
曾是「宅男女神」的賈曉晨昨日與「岩石胸」趙碩之及「無綫咪神」梁政珏行泳衣騷晒「胸」器，不過可能JJ有愛情滋潤而身廣體胖，穿比堅尼的她驚現虎背熊腰，腰間更驚現橙皮紋及六截肥肉，認真「肥美」！相反Wylie則狀態大勇，Big爆整個泳衣騷！
回復自由身的賈曉晨（JJ）和趙碩之（Wylie），昨日聯同梁政珏行泳衣騷，換上四套泳衣的JJ，未知是否與男友樊少皇打得火熱而身廣體胖，與昔日的C Cup上圍相比之下未見突出，更驚現虎背熊腰，腰間及背部均現橙皮紋。當她行貓步時，背部更化身「米芝蓮」出現六截肥肉，女神形象幻滅！
先斬後奏通知男友
事後JJ解釋腰間肥肉是因經常烏低身坐所致，她說︰「我有個壞習慣，會烏低摺埋個身坐先搞到咁。其實為個騷減肥成個月，戒打邊爐同食飯，不過上圍冇縮水，女仔有肉地先好睇，但唔明點解肥咁多。」首次接泳衣騷的她直言酬勞有六位數，更「先斬後奏」才向男友報告︰「唔想花咁多口水同佢解釋，佢知道後好驚訝，係咁問『咁少布得唔得』，所以我成日照鏡驚走光。」並指今次是舊公司幫她接Job，問會否再接泳衣騷？她說︰「自己唔係放得開，今次想賺多啲儲錢，但怕會斷帶甩褲，即使酬勞再高，應該都冇下次。」
Wylie於台上狀態大勇，大晒D Cup身材及下身紋身，非常惹火。她直言為操Fit身材，四日只食兩餐，又強調非因回復自由身而大解放︰「只係想有新突破，以前曾有人搵我行泳衣騷，只係舊公司經理人以天價推咗。」她又透露有內地公司向她招手，但不急於簽新公司。對於早前被指與梁政珏「撞樣」，她說︰「我之前為拍電影減肥瘦咗，所以有錯覺。」
梁政珏唔認似碩之
梁政珏性感程度稍為遜色，兼且動作生硬，她說︰「着得少唔代表收得多錢，入行以嚟我着三點式都會加絲巾或者短褲。（話你同Wylie似樣。）冇睇報道，乜你覺得我同佢似樣咩？（你覺得呢？）冇留意，兩個感覺好唔同。」她自爆於後台穿平底鞋與外國模特兒合照時身材矮一截，問會否感自卑？她反問︰「高唔一定代表靚，乜我身材唔好咩？」
文︰專案組