Whitney緊張過後掃零食
今屆香港小姐競選前晚複試直到晚上近9時才完成，佳麗們陸續由調景嶺成群結隊散去，原先以為她們會首先醫肚，但女人始終是女人，「濕平」當然大過天，「孤獨精」Whitney甫到地鐵就到零食店、餅舖購物，最後到尖沙咀美麗華酒店後便消失影蹤。
前無綫主播Kathleen、「德國Bra妹」Sisley以及「中印混血兒」Tam就齊齊到銅鑼灣睇鞋，可惜最後未有收穫，不過穿起小Deep V的Tam落車時不慎失手，俯身露出澎湃雙峰，隨後行街不時用披肩遮心口，免得被人睇蝕。另邊廂，Ying、Poey和Cherry亦積極備戰，光顧完護膚品店後才買曲奇餅醫肚，而前英皇小花Coniko（龔康妮）也跟其他佳麗乘的士離開。
