「D Cup曾寶儀」「犀利男友」累事

複試佳麗「D Cup曾寶儀」林芷嘉(Karen)及「飛釘千語」劉溫馨參選港姐後新聞多多,當中有傳Karen男友與高層樂易玲相熟,劉溫馨亦與某高層熟絡,將可順利入三甲。不過,據知面試時,樂易玲不停追問Karen其男友是誰、是否很犀利、是否保證她直入三甲等問題,令Karen相當尷尬。Karen亦不斷有豪放攬仔及疑似整容等負面報道,有半數評審對她印象麻麻,入圍機會渺茫。

樂易玲昨日接受訪問時表示不認識Karen男友:「我唔識,都唔知佢叫咩名,我唔代表全部評分嘅,每個人眼光都唔同。(咁識唔識劉溫馨?)都唔識。」