趙碩之重獲自由決洗底
由英皇電影有份發行的外語片《非常盜》前晚舉行首映禮，老闆楊受成、女星趙碩之、莊思敏等現身捧場，大會特別安排魔術師甄澤權現場表演魔術，製造氣氛。
已回復自由身的趙碩之透露開始自己接工作，她說：「公司終於肯放人又唔使我賠錢，之前各執一詞，我又冇同老闆（林建名）見過面，希望大家好嚟好去，我依家接job都有少少難。（會唔會搵經理人？）見步行步，想我個底乾淨啲，唔好畀人以為我麻煩。搵經理人好似搵對象咁，好難搵到個好嘅。」趙碩之有意借父親節約食飯來哄林生，問她會否送禮物？她說：「暫時未諗，佢有時間約到個期已經好開心。」
莊思敏八卦新聞
同場的莊思敏透露月尾將與鄭中基拍攝新戲，暫時未知會否有動作或性感鏡頭。談起其好友「綠魔」Karl因任《求愛大作戰》形象指導遭受抨擊，莊思敏笑說：「我未重溫，不過有傳訊息八吓，佢話自己都係搵啖食，其實佢個造型幾有個人特色。」
文：影視組